Nýggjastu tíðindi

12/04/2018

Starvsfólk á fyrstuhjálparskeiði


Manningin á Vegadeildini, Vatndeildini og Býarfríðkanini tók í gjár skeið í fyrstuhjálp til frama fyri trygdina í almenna rúminum.

Lívbjargandi fyrstahjálp hevur sjálvsagdan týdning fyri trygdina hjá okkum øllum, og fá kommunal starvsfólk eru so nógv úti millum fólk, sum arbeiðararnir á Vega- og Vatndeildini og Býarfríðkanardeildini. Sum trygdarfremjandi átak hava hesi starvsfólk tí júst lokið skeið í fyrstuhjálp á Sjónámi, har teir eitt nú fingu frálæru í hjartamassagu og nýtslu av hjartastartara.

16 hjartastararar eru skrásettir í Klaksvíkar kommunu, harav tríggir í Kalsoynni, og ein í Svínoy, Árnafirði, Ánunum og Norðoyri. Hinir níggju eru staðsettir runt í Klaksvík, og allir síggjast á kortinum á leinkinum her.

Við at trýsta á krossin á kortinum, sært tú nágreiniligu staðsetingina.

Nýtt í kommununi

Flaggdagshald
20/04/2018

Mikudagin 25. apríl kl. 14 verður flaggdagshald í Vágstúni. Í hesum sambandi er ongin gjøgnumkoyring frá kl. 13.30 til haldið er l… Les meira »

Áheitan frá IRF um, at øll húsarhald fáa sær ruskstativ
19/04/2018

IRF heitir á allar borgarar í limakommununum um at fáa sær ruskstativ til húsarhaldsruskið – til frama fyri bæði umhvørvi og ruski… Les meira »

Vit og skil í Klaksvíkar kommunu
19/04/2018

Umhvørvisátakið Slóða fyri verður í Klaksvíkar Kommunu frá 13. – 19. mai. Evnið í ár verður "Vit og skil", og høvuðsendamálið er a… Les meira »

Vís fleiri