Býráðslimir

Býráðslimir

Atli Steinbjørn Justinussen (A)

Atli S. Justinussen er føddur í 1971 og er sjálvstøðugur vinnurekandi. Hetta er fjórða setan hjá Atla í Klaksvíkar býráð. Hann er afturvaldur á fólkaflokslistanum við 182 persónligum atkvøðum og situr í býráðsminnilutanum.

Atli er giftur Thurid í Buð og eiga tey børnini Leivur, Bjarnhild og Oddbjørg.

Atli er virkin í ymsum áhugafeløgum, m.a. er hann formaður í Árnafjarðar Róðrarfelag.

Í býráðshøpi hevur Atli sæti í Havna- og vinnunevndini, Mentanarnevndini og Teknisku nevnd.

T-postur: atli@klaksvik.fo 

Beinir Johannesen (A)

Beinir Johannesen er føddur í 1997 og hevur fyri stuttum lokið miðnámsprógv. Beinir er nývaldur á fólkaflokslistanum við 170 persónligum atkvøðum og situr í býráðsminnilutanum.

Til dagligt starvast Beinir sum sølumaður hjá KBI, og í frítíðini spælir hann hondbólt við Team Klaksvík, har hann eisini er venjari hjá ungdómsliði.

Í býráðshøpi hevur Beinir sæti í Trivnaðarnevndini børn og ung, Havna- og vinnunevndini og Umhvørvis- og býarskipanarnevndini.

T-postur: beinirj@klaksvik.fo 

Beinta Klakstein (D)

Beinta Klakstein er fødd í 1979 og uppvaksin í Klaksvík og er útbúgvin námsfrøðingur. Beinta er nývald á sjálvstýrislistanum við 44 persónligum atkvøðu og situr í býráðsmeirlutanum.

Til dagligt starvast Beinta sum leiðari í frítíðarskúlanum Snjallubjallu, og í frítíðini fæst hon við ymiskan ítrótt, m.a. kappróður, hondbólt og renning.

Í býráðshøpi er Beinta forkvinna í Trivnaðarnevndini børn og ung og í Trivnaðarnevndini eldri og bústaðir, umframt at hava sæti í mentanarnevndini og teknisku nevnd.

T-postur: beintak@klaksvik.fo 

Gunvá við Keldu (A)

Gunvá við Keldu er fødd í 1966 og uppvaksin í Klaksvík. Hon er útbúgvin grafonom og hevur í eitt áramál rikið sína egnu fyritøku. Gunvá er afturvald á fólkaflokslistanum við 221 persónligum atkvøðum og situr í býráðsminnilutanum. Hetta er fjórða setan hjá Gunvá í Klaksvíkar býráð. Hon var borgarstjóri árini 2009-2012.

Í býráðshøpi hevur Gunvá sæti í Fíggjarnevndini, Trivnaðarnevndini eldri og bústaðir, Mentanarnevndini og Umhvørvis- og býarskipanarnevndini. Harumframt er hon vald 2. varaborgarstjóri.

T-postur: gunva@klaksvik.fo 

Herfrí J. Sørensen (A)

Herfrí J. Sørensen er fødd í 1959 og er uppvaksin í Mikladali. Hon er útbúgvin bankakvinna og starvast til dagligt í Norðoya Sparikassa.

Hetta er onnur seta hjá Herfrí í Klaksvíkar býráð. Hon er afturvald á fólkaflokslistanum við 100 persónligum atkvøðum og situr í býráðsminnilutanum. Áður hevur hon sitið í bygdaráðnum fyri Mikladals kommunu, eisini sum bygdaráðsforkvinna.

Herfrí er gift Jógvan Andrias Sørensen, og eiga tey børnini Sámal og Mariu.

Í býráðshøpi hevur Herfrí sæti í Fíggjarnevndini, Trivnaðarnevndini børn og ung og Trivnaðarnevndini eldri og bústaðir.

T-postur: herfris@klaksvik.fo 

Jógvan Skorheim, borgarstjóri (D)

Jógvan Skorheim er føddur í 1982 og er útbúgvin sølumaður.

Hetta er triðja setan hjá Jógvan í Klaksvíkar býráð og onnur setan sum borgarstjóri. Hann er afturvaldur á sjálvstýrislistanum við 729 persónligum atkvøðum. Jógvan varð í 2015 afturvaldur í Løgtingið fyri Sjálvsstýrisflokkin, men avgjørdi at taka farloyvi frá hesum sessi, meðan hann røkti borgarstjórastarvið. Í 2017 tók hann løgtingssessin uppaftur. 

Jógvan er giftur Vígdis Skorheim, og eiga tey dóttrina Esther Vón.

Í býráðshøpi hevur hann, umframt borgarstjórasessin, formanssessin í Fíggjarnevndini. Jógvan umboðar eisini Klaksvíkar kommunu í Kommunusamskipan Føroya.

T-postur: skorheim@klaksvik.fo 

Kristian Eli Zachariasen (D)

Kristian Eli Zachariasen er føddur í 1974. Hann er útbúgvin KT- verkfrøðingur (MSc Computer Security) og starvast til dagligt hjá Bakkafrost.

Hetta er triðja seta hjá Kristian Eli í Klaksvíkar býráð. Hann er afturvaldur á sjálvstýrislistanum við 103 persónligum atkvøðum og situr í býráðsmeirilutanum.

Í býráðshøpi er Kristian Eli formaður í Umhvørvis- og býarskipanarnevndini, umframt at hava sæti í Trivnaðarnevndini eldri og bústaðir, umframt Havna- og vinnunevndini.

T-postur: kristianeliz@klaksvik.fo 

Óli M. Lassen (D)

Óli M. Lassen er føddur í 1965 og er útbúgvin siviløkonomur. Til dagligt starvast Óli sum stjóri hjá P/F EFHO. Hann er sjálvstøðugur vinnurekandi og eigur og rekur m.a. ráðgevingarvirkið MERCOM og 24.fo. Hetta er onnur setan hjá Óla í Klaksvíkar býráð. Hann er valdur á sjálvstýrislistanum við 80 persónligum atkvøðum og situr í býráðsmeirlutanum.

Óli er giftur við Marjun Lassen, og eiga tey børnini Hans Eli og Sofíu.

Óli er virkin í ymsum áhugafeløgum, m.a. í KÍ, Stjørnuni og KFUM&K skótunum.

Í býráðshøpi er Óli formaður í Teknisku nevnd, umframt at hava sæti í Havna- og vinnunevndini og Umhvørvis- og býarskipanarnevndini.

T-postur: oml@klaksvik.fo 

Signhild Johannesen (C)

Signhild V. Johannesen er fødd í 1967. Hon varð fyrstvald á javnaðarlistanum til kommunuvalið í 2012, og gjørdist partur av samgonguni.

Býráðssetuna áðrenn hevði hon sitið ein stóran part í býráðnum, sum avloysari fyri Eyðgunn Samuelsen, ið fór í Løgtingið.

Signhild gjørdist aftur fyrstvald á javnaðarlistanum til kommunuvalið í 2016, og bleiv tá eisini varaborgarstjóri. Signhild starvast til dagligt hjá Posta í Klaksvík.

Signhild eigur børnini Johild, Jógvan, Jóhannus og Gunnvá.

Í býráðshøpi er Signhild forkvinna í Mentanarnevndini, umframt at hava sæti í Fíggjarnevndini, Trivnaðarnevndini børn og ung, Trivnaðarnevndini eldri og bústaðir og Umhvørvis- og býarskipanarnevndini.

T-postur: signhildj@klaksvik.fo 

Steinbjørn Oluf Jacobsen (E)

Steinbjørn O. Jacobsen er føddur í 1948 og er múrari.

Hetta er sætta seta hjá Steinbjørn í Klaksvíkar býráð. Hann er afturvaldur á tjóðveldislistanum við 135 persónligum atkvøðum og situr í býráðsminnilutanum. Steinbjørn varð fyrstu ferð valdur í Klaksvíkar býráð í 1996. Hann var borgarstjóri árini 2001-2008.

Steinbjørn er giftur Sunnuvu, og eiga tey børnini Sigurð, Kristvør, Hera, Rógva og Rasmus.

Í býráðshøpi hevur hann sæti í Teknisku nevnd.

T-postur: soj@klaksvik.fo 

Tummas J. Lervig (C)

Tummas J. Lervig er føddur í 1956 og er sølumaður og útbúgvin maskinmeistari.

Hann er nývaldur á javnaðarlistanum við 78 persónligum atkvøðum og situr í býráðsmeirlutanum.

Til dagligt starvast Tummas sum sølumaður hjá KJ Hydraulik, og eisini er hann formaður í KÍ.

Í býráðshøpi er Tummas formaður í Havna- og vinnunevndini, umframt at hava sæti í Fíggjarnevndini, Trivnaðarnevndini børn og ung og Teknisku nevnd.

T-post: lervig@klaksvik.fo