Nýggir borgarar

Vælkomin til Klaksvíkar kommunu

Klaksvíkar kommuna er Føroya næststørsta og fevnir um Klaksvík og bygdirnar Ánir, Árnafjørð, Húsar, Mikladal, Norðoyri, Strond, Svínoy, Syðradal og Trøllanes. Tilsamans er fólkatalið í Klaksvíkar kommunu nakað omanfyri 5000.

Øll, sum flyta til Klaksvíkar kommunu, fáa ein vælkomupakka. Hesin fæst við avheintan í Miðlan á Nólsoyar Pálsgøtu 32.

Sum nýggjur borgari eru nógv praktisk viðurskifti at minnast til. Niðanfyri er vegleðing til nøkur teirra, umframt kunning um upplatingartíðir o.a.

Skráset flyting

Flyting skal skrásetast í kommununi, sum borgarin flytir til. Flytir tú til Klaksvíkar, fer hetta fram í fólkayvirlitinum í Miðlan. Her kanst tú eisini fáa svar uppá spurningar viðvíkjandi flyting, umsóknum, valrætti o.s.fr. Minst eisini til at melda flytingina til aðrar stovnar, sum til dømis peningastovn, tryggingarfelag, tannlækna, telefonfelag, SEV, Posta o.s.fr.

Í Miðlan kanst tú eisini avheinta vælkomupakkan, sum inniheldur meira kunning um Klaksvíkar kommunu umframt eina vælkomugávu.

Vel lækna

Tá ið tín flyting til Klaksvíkar kommunu er skrásett, fært tú bræv frá Heilsutrygd viðvíkjandi val av kommunulækna. Læknamiðstøðin í Klaksvík hevur tríggjar kommunulæknar, og tú kanst bíleggja tíð og endurnýggja reseptir umvegis heimasíðuna hjá Læknamiðstøðini.

Eisini ber til at bíleggja tíð umvegis telefonina, og telefontíð er hvønn gerandisdag kl. 8-11.

Læknamiðstøðin í Klaksvík heldur til í miðbýnum og hevur tlf: 663300.

Dagstovnapláss

Hevur tú ætlanir um at flyta til Klaksvíkar kommunu, ber til at søkja um dagstovnapláss í fyrsta lagi seks mánaðar áðrenn flyting. Umsókn til dagstovnapláss er tøk í sjálvgreiðsluni, og meira kunning um dagstovnar, foreldragjøld og frípláss er at finna her.

Bygging

Kunna teg um grundstykkir, byggisamtyktir, mannagongdir og møguleikar innan bygging og bústað her.