Nýggjastu tíðindi

  • Ósbjørn Jacobsen, arkitektur, Jógvan Skorheim, borgarstjóri og Signhild V. Johannesen, forkvinna í grunninum fyri Mentanarhúsið saman við umboðum fyri LOA-grunnin, sum vitjaðu í Klaksvík herfyri.
08/02/2018

9 milliónir til Mentanarhúsið


- Eitt fantastiska stórt fet á leiðini, sigur borgarstjórin, nú LOA-grunnurin hevur játtað níggju milliónir krónur til nýggja mentanarhúsið í Klaksvík.

LOA-grunnurin er stytting fyri "Lokale og anlægsfonden", sum er danskur grunnur við endamáli at stuðla bygging innan mentan, ítrótt og frítíð. Grunnurin leggur serligan dent á arkitektoniska og nýtsluliga dygd, tá gjørt verður av, hvørjar verkætlanir fáa stuðul. 

Grunnurin skrivar um verkætlanina í Klaksvík, at umframt at vera vakurt og fjølbroytt í mun til nýtslumøguleikar, er Mentanarhúsið eisini partur av eini størri heildarætlan fyri nýggjan miðbý í Klaksvík.

Arkitektoniskt leggur grunnurin dent á, at verkætlanin sambindir siðbundnan og modernaðan arkitektur við endurnýtslu og sambygging av Posthúsinum, sum J.P. Gregoriussen teknaði, og nýggja tilbygninginum, sum deildin hjá Ósbjørn Jacobsen undir Henning Larsen Architects hevur teknað.

Verkætlanin Posthúsið sum mentanarhús kostar umleið 45 milliónir krónur og sostatt eru tær níggju milliónirnar úr LOA-grunninum eitt stórt og týðandi fet á leiðini móti, at mentanarhúsið gerst veruleiki.

Les meira um stuðulin úr LOA-grunninum her.

Nýtt í kommununi

Vinnuøkið á Borðoyarvík: J&K Petersen vann útboðið
25/05/2018

Tilboðini um arbeiðstøku í samband við nýggja vinnuøkið á Borðoyarvík vórðu latin upp í dag. Les meira »

Ung í arbeiði: samrøður verða hildnar í komandi viku
25/05/2018

Endaliga tilmeldingin til Ung í arbeiði er í ár treytað av, at ungi arbeiðstakarin møtir upp til samrøðu í Verkstovuni í døgunum… Les meira »

Fíggjarligt frípláss: her eru umsóknarfreistirnar
25/05/2018

Foreldur, ið lúka ásettu treytirnar, kunnu søkja um fíggjarligt frípláss á kommunalu dagstovnunum og í dagrøktaskipanini. Les meira »

Vís fleiri