Bálbrenning

Bálbrenning

Bálbrenning skal altíð fylgja vegleiðingini frá Umhvørvisstovuni, og í hvørjum einstøkum føri skulu borgarar, ið ætla sær at brenna bál, venda sær til Miðlan á telefon 410000.

Bál á nýggjárinum 2017

Borgarar, ið ynskja at brenna bál nýggjársaftan, skulu skráseta seg hjá Klaksvíkar sløkkilið. Hetta verður gjørt umvegis leinkið her.

Umframt at fylgja vegleiðing og galdandi reglugerð á økinum, eiga atlit eisini at verða tikin til grannarnar, um bálið verður brent í íbúðarøki. Góður siður er tí at kunna grannalagið, áðrenn bál verður brent nærhendis bústað.

Í sambandi við bálbrenning og brenning í smá­um heimaovnum og í eldstaði eru her nøkur dømi um, hvat kann brennast, og hvat ikki kann brennast.

Hetta er loyvt at brenna:

  • Reinur og turrur óviðgjørdur viður
  • Ólitað pappír og papp
  • Jóla­trø og annað grann

Hetta er ikki loyvt at brenna:

  • Plast og gummi (t. d. flamingo, dekk, nótir, posar og annað)
  • Viðgjørdur og málaður viður
  • Sagu­spønir og spønplátur
  • Húsarhaldsburturkast
  • Vandamikið burturkast (t. d. máling, battarí, olja, oyðingarevni, loysingarevni o. a.)
  • Klæðir, leður og annað
  • Mjólkarpakkar
  • Dagbløð og vikubløð (viðgjørt papír)