Oljutangaskrásetingarskipanin tekur støði í Kunngerð nr. 124 frá 11. september 2018 um at fyribyrgja dálking frá oljutangum. Víst verður til § 10, sum ljóðar soleiðis:

Kommunan skal skráseta allar oljutangar innan 1. januar 2022 sbrt. stk. 2
Stk. 2. Upplýsingar um oljutangar, sum borgari skal lata kommununi í tann mun, tær eru tøkar:

• 1)   Navn og bústað hjá framleiðara.
• 2)   Tangasnið og tangarúmd.
• 3)   Framleiðslunummar og framleiðsluár.
• 4)   Sniðgóðkenningarnummar.
• 5)   Um tangin hevur ovurfyllingarávaring.
• 6)   Um rørskipanin er einstreingjað.
• 7)   Staðseting av tanganum, t.d. í mun til bygning.
• 8)   Byggialdur á húsinum.

Fyri at loysa hesa uppgávu heitir kommunan á øll, bæði tey, ið eiga ella varða av oljutanga og eisini tey, sum ongan oljutanga hava í Klaksvíkar kommunu, um at skráseta omanfyri nevndu upplýsingar á heimasíðu, sum er gjørd til endamálið.

Skrásetingin kann gerast við at fara inn á leinkið her:

https://hugin.fo/registeroiltankhome/26 

Viðmerkingar eru vælkomnar í teiginum “Viðmerkingar” í skrásetingarskipanini. Viðmerkingar kunnu eisini sendast við telduposti klaksvik@klaksvik.fo. Um trupulleikar eru við skrásetingini, eru tit vælkomin at skriva teldupost til klaksvik@klaksvik.fo ella ringja tlf. 410000.