Tíðindi
Verkbannið, sum Kommunala arbeiðsgevarafelagið hevur lýst frá hósdegnum 14. desember, hevur við sær, at Húsið verður stongt hós-, fríggja- og leygardagin.
Hóast leiðarar og varaleiðarar, sum eru limir í pedagogfelagnum, eru farnir í verkfall, hava allir stovnar opið sum vant fram til hósmorgunin 14. desember kl. 7. Tá kemur verkbannið, sum Kommunala arbeiðsgevarafelagið hevur lýst fyri limum í pedagogfelagnum, í gildi.
Umframt broytingar og afturlatingar í kommunalu dagstovnunum og frítíðarskúlanum, rakar verkbannið eisini ungdómshúsið við tað, at Húsið í fyrstu atløgu verður stongt hósdagin 14., fríggjadagin 15. og leygardagin 16. desember. Er støðan millum pedagogfelagið og Kommunala arbeiðsgevarafelagið óbroytt eftir vikuskiftið, verður kunnað um, hvussu hetta ávirkar upplatingartíðirnar í Húsinum.