Tíðindi
Klaksvíkar kommuna leitar eftir tænastusinnaðum fólki til móttøkuna Miðlan. Arbeiðstíðin 32 tímar um vikuna, og miðað verður eftir, at tú kanst byrja 17. apríl. Í Miðlan kemur tú saman við dugnaligum starvsfólkum at mynda, hjálpa og greiða tey viðurskifti og tænastur, sum Klaksvíkar kommuna veitir sínum borgarum og samstarvsfeløgum.
Arbeiðsuppgávur:
Tú kemur, í tøttum samstarvi við starvsfólkini í Miðlan, at virka sum bindilið millum borgaran, samstarvspartar og umsitingina, har høvuðsuppgávan fevnir um at veita eina góða tænastu til borgarar í Klaksvíkar kommunu; hetta er bæði umvegis telefon, teldupost, og tá fólk koma á gátt.
Arbeiðsuppgávurnar eru fjølbroyttar og til tíðir krevjandi við tíðarfreistum. Journalisering er ein stórur partur av arbeiðinum, og tú kemur eisini at avgreiða smærri málsviðgerðir so sum vígslur og graviloyvi, umframt at virka sum skrivari til fundir.
Førleikakrøv:
- útbúgving sum skrivstovufólk ella líknandi
- góðir málsligir førleikar
- royndir í almennari fyrisiting kann vera ein fyrimunur
- royndir við journalskipan kann vera ein fyrimunur
Vit ímynda okkum eitt starvsfólk, sum:
- hevur kunnleika og royndir við journalisering.
- arbeiðir sjálvstøðugt og hevur gott yvirlit
- er tænastusinnað og álitisfult
- tolir at arbeiða undir trýsti
- tolir at vera avbrotið í sínum arbeiði
- er fyrikomandi, røkið og jaligt
- hevur góð evni at samstarva og samskifta
Setanarviðurskifti:
Starvið, sum er 32 tímar um vikuna, verður sett sambært sáttmála millum KAF og Starvsfelagið, lønarflokkur 3, at byrja 17. apríl ella skjótast til ber.
Hevur tú spurningar til starvið, ert tú vælkomin at ringja ella skriva til Karinu Mohr, toymisleiðara, á telefon 410052 ella teldupost karinam@klaksvik.fo.
Umsókn:
Umsókn við prógvi, lívsgongdarlýsing og øðrum viðkomandi skjølum skal vera okkum í hendi seinast hósdagin 23.02.2023. Miðað verður eftir at hava setanarsamrøður síðst í viku 8.
Tú søkir starvið við at trýsta á leinkjuna her: Skrivstovufólk til Miðlan
![](/upload/cache/images/13201-13400/54087fb467df82cd5005bed4442d6c4663361bdc_w384_h200_fC_ha50_va50_afp1.jpg)
Ísraelski varasendiharrin á vitjan
![](/upload/cache/images/13201-13400/2c4675072628ab5bfc093151967c67a606e3e214_w384_h200_fC_ha50_va50_afp1.jpg)
Send okkum gjarna tíni hugskot!
![](/upload/cache/images/13201-13400/73b21e475c37031b7c78c36a282afaee7df51382_w384_h200_fC_ha50_va50_afp1.jpg)
Nýggja barnabókasavnið letur upp
![](/upload/cache/images/13201-13400/389193d421731ae74f702f61e82beaff29d9763e_w384_h200_fC_ha50_va50_afp1.jpg)