Snjallabjalla húsast í miðbýnum undir liðuna av Skúlatrøð, og tá skúladagur er liðugur hjá børnunum í 1. og 2. flokki, koma tey til okkum at spæla og hugna sær. Vit hava opið skúladagar frá kl 11.00 til 17.00 og verður tín arbeiðstíð í hesum tíðarskeiði.

Snjallabjalla skal vera eitt mennandi og gott stað at vera í. Tí leggja vit m.a. dent á at okkara starvsfólk eru:
• Skikkað starvsfólk: Tað merkir – sjónlig, jalig og virkin starvsfólk, sum í góðum samstarvi eru skapandi og duga at seta seg inn í tørvin hjá einstaka barninum. 
• Gott sosialt umhvørvi: Tað merkir, at øll laga seg eftir hvørjum øðrum við ábyrgd og virðing. At hvør einstakur fær umsorgan og tryggleika. At børnini kunnu spæla saman uttan mun til aldur, kyn, áhuga og at dentur verður lagdur á frið og samljóð.
• Dialog: Tað merkir, at sjónskt og skapandi samstarv er millum foreldur, skúla og frítíðarstovn. At eitt gott og samskipað kunningarstøði er millum skúlan og frítíðarstovnin.
• Fysiskar karmar: Tað merkir, at karmar um og innihald á frítíðarstovninum verða vird. At rásarúm er til ymisk ítriv í tryggum kørmum og at pláss er fyri tí einstaka.

Sum starvsfólk skalt tú, saman við børnunum, seta ting í gongd og harvið vera partur av at gera dagin í frítíðar-stovninum spennandi og mennandi.

Umsókn og setanartreytir
Lønar- og setanartreytirnar eru sambært sáttmálan millum KAF og Føroya Pedagogfelag. Hevur tú spurningar til starvið, ert tú vælkomin at ringja til Beintu Klakstein, leiðara á tlf 218878.
Arbeiðsgevarin hevur skyldu til at fáa barnaváttan, áðrenn setanin verður framd.

Tú kanst eisini vitja okkum á www.snjallabjalla.fo og síggj hvat vit arbeiða við :) við gleða okkum at hoyra frá tær.
 

Umsókn saman við prógvi og viðmælum skal vera kommununi í hendi seinast sunnudagin 2. februar.
Umsóknin verður send við at trýsta á leinkjuna her: Starvsfólk til Snjallubjallu