Ung í arbeiði

Ung í arbeiði

Ung í arbeiði er arbeiðsverkætlan, har ung í aldrinum 15-16 ár kunnu arbeiða á kommunalum og privatum arbeiðsplássum í tvær vikur av summarfrítíðini. Luttakarar verða settir og løntir eftir galdandi treytum á arbeiðsmarknaðinum, og miðjað verður mótí, at hvør luttakari arbeiðir í tvær fylgjandi vikur í part.

2018: Arbeiðstíðin er frá mánadegi 2. juli til og við fríggjadagin 10. august (vikur 27 - 32)

Melda til Ung í arbeiði her (tilmelding opin frá 1. til 15. mai)

Fyri at taka lut skalt tú:

  • Vera fylt/ur 15 ár 2. juli 2018 og ikki vera fylt/ur 17 ár 10. august 2018
  • Vera sinnað/ur og tøk/ur at arbeiða í tvær fullar arbeiðsvikur á rað
  • Møta til eina samrøðu í Verkstovuni í Kirkjubrekku 11

Gev gætur, at endaliga tilmeldingin er treytað av, at tann tilmeldaði møtir upp til samrøðuna, ið verður hildin eftir først til mølle, ímillum kl. 15-18 í døgunum 28.-31. mai.

 

Verkstovan

Høvuðsstøðin hjá Ung í arbeiði í ár kallast Verkstovan. Hon er staðsett í kjallaranum í gomlu brandstøðini, sum liggur í Kirkjubrekku 11.

Verkstovan er opin kl.14-16 hvønn gerandisdag, í allar tær seks verkavikurnar sum Ung í arbeiði er á skránni (vikurnar 27-32).

Verkstovan er eitt stað, har tey ungu, ið eru tilmeldaði UíA 2018 kunnu møtast og hugna sær, tá ið tey ikki eru til arbeiðis. Høvuðstema í Verkstovuni er "arbeiði", og tí er sjálvsagt ymiskt á skránni, sum hóskar seg til nevnda tema.

Hetta sigur lógin

Um arbeiðsumhvørvi á arbeiðsplássum á landi: Løgtingslóg um arbeiðsumhvørvi

Um, at siglingarbókin er eitt krav, um arbeiðast skal á sjónum: Kunngerð um siglingarbók

Um hóskandi arbeiði á sjónum hjá ungum undir 18 ár: Kunngerð frá sjóvinnustýrinum

Tak niður Ung í arbeiði faldaran