Nýggjastu tíðindi

  • Tjørnin í viðarlundini í Mikladali | Mynd: Jákup Marnar Anthoniussen, staðbundin maður í Mikladali og Trøllanesi
  • Mynd: Jákup Marnar Anthoniussen, staðbundin maður í Mikladali og Trøllanesi
14/02/2018

Tjørnin í Mikladali sett í stand


Viðarlundin í Mikladali er vorðin uppaftur vakrari, nú vatn aftur er í tjørnini, og nú verður farið undir at fríðka og betra kringsumstøðurnar og atkomuviðurskiftini.

Eldru ættarliðini minnast kanska at hava spælt í tjørnini, tí í veruleikanum er hon á leið javngomul við Viðarlundina sjálva – eini 60 ár ella so. Mikladalsnevndin og bygdafólk og vitjandi í  Mikladali annars hava havt stórt ynski um, at tjørnin aftur skuldi prýða og hugna um viðarlundina, og nú er hetta arbeiðið komið á mál.

Síðan áirnar omanfyri bygdina vórðu lagdar um í samband við landsvegin, sum kom fyrst í 80’unum, hevur tjørnin fyri tað mesta verið turr og órøkin, men nú hevur staðbundni maðurin í Mikladali saman við Christiani Andreasen, sum býr í Mikladali og er limur í Mikladalsnevndini hjá Býráðnum, sett tjørnina í stand.

Fyrst varð tjørnin grivin, og síðan løgdu teir dúk og grót á botnin. Nú vatn er komið í tjørnina, er hon bæði við til at skapa vakurleika og hugna í viðarlundini, sum er eitt av væl vitjaðu støðunum í bygdini.

Fram til summarhálvuna, tá Kópakonan og annað í bygdini aftur fer at lokka nógv ferðafólk til, er ætlanin at fríðka um kringsumstøðurnar og gera atkomuviðurskiftini betri til tjørnina við eini gøtu, sum bæði er góð at ganga og koyra við eitt nú koyristóli ella barnavogni eftir.  

Nýtt í kommununi

Vinnuøkið á Borðoyarvík: J&K Petersen vann útboðið
25/05/2018

Tilboðini um arbeiðstøku í samband við nýggja vinnuøkið á Borðoyarvík vórðu latin upp í dag. Les meira »

Ung í arbeiði: samrøður verða hildnar í komandi viku
25/05/2018

Endaliga tilmeldingin til Ung í arbeiði er í ár treytað av, at ungi arbeiðstakarin møtir upp til samrøðu í Verkstovuni í døgunum… Les meira »

Fíggjarligt frípláss: her eru umsóknarfreistirnar
25/05/2018

Foreldur, ið lúka ásettu treytirnar, kunnu søkja um fíggjarligt frípláss á kommunalu dagstovnunum og í dagrøktaskipanini. Les meira »

Vís fleiri