Tíðindi
Á býráðsfundi í gjár samtykti Klaksvíkar býráð at geva umsitingini heimild at læna á 40 mió. kr. Orsøkin til, at neyðugt er við øktari fígging, er at tryggja gjaldførið til liðugtgerð av íløgum í 2023.
Nógvar spennandi verkætlanir eru í gongd, har fleiri av týdningarmiklu verkætlanunum eru lidnar, eitt nú kunnu nevnast rennibreytin, kappróðrarneystið, vælveruøkið, bláa skýlið og barnagarðurin Baldursbrá.
Tó so, so mangla enn nakrar verkætlanir at koma á mál, t.d. ídnaðarøkið á Borðoyarvík, útstykking á Fossum (fyrsta byggistig), barnagarðurin Fjallafípan og mentanarhúsið Varpið, umframt at nakað av meirútreiðslum hava verið í samband við onnur arbeiði. Neyðugt er tí at økja um samlaðu lániskuldina hjá kommununi, fyri at tryggja at verkætlanir, sum eru í gongd, eisini røkka á mál.
Við hesum 40 mió. verður samlaða skuldin hjá Klaksvíkar kommunu 385 mió. kr. Í tíðarskeiðinum 2016-2021 vóru íløgurnar hjá Klaksvíkar kommunu tils. 572 mió. kr.
Fíggjarstøðan verður mett leypandi og ætlanin er ikki at økja lániskuldina meira.
![](/upload/cache/images/11601-11800/40d9e86babb0d844e8f94be9b4eca3ac44302761_w384_h200_fC_ha50_va50_afp1.jpg)
Býráðsskrivstovan í summarfrítíðini
![](/upload/cache/images/13201-13400/e6d0161450aa9fb27c6b0c24d67e91691be9d79a_w384_h200_fC_ha50_va41_afp1.jpg)
Ferðslukunning í samband við dystin hjá Víkingi á Djúpumýru
![](/upload/cache/images/13201-13400/8885c9458f87723a9006c1219f2d61d9fd091e02_w384_h200_fC_ha49_va47_afp1.jpg)
Stongt vegna jarðarferð
![](/upload/cache/images/13201-13400/a076d10dbcc20eec3b89c342b6f45f20d7b711ad_w384_h200_fC_ha50_va50_afp1.jpg)