Vísandi til grein 7 í Býarskipanarlógini*, sendi Klaksvíkar kommuna tann 1. mai 2024 Umhvørvismálaráðnum uppskot til broytingar av økispartinum B18 í almennu byggisamtyktini til góðkenningar.

Uppskotið snúði seg um at økja økispart B18 við tí endamáli at víðka verandi útfylling við uml. 5600 m2. Uppskotið lá frammi til viðmerkingar frá 12. feb. til 4. mars 2024. Kærutíðin var úti 25. mars 2024. Tá freistin at koma við møguligum mótmælum ella broytingaruppskotum var farin, hevði kommunan einki mótmæli ella viðmerking fingið.

Býarskipanarnevnd Landsins hevur havt málið til viðgerðar, og hevur nevndin viðmælt ætlaðu broyting. Umhvørvismálaráðið hevur somuleiðis viðgjørt málið og tekur undir við viðmælinum frá Býarskipanarnevndini og hevur við heimild í grein 4 í Býarskipanarlógini góðkent broytingina av økisparti B18 í almennu byggisamtyktini fyri Klaksvíkar kommunu.

Byggisamtyktin sæst her:

Økisblað fyri B18 er at síggja í skjali Vinnuøki B1-B27 s. 16. Les nærri her: Byggisamtykt

*Løgtingslóg nr. 13 frá 21. mai 1954 um býarskipanir og byggisamtyktir, sum seinast broytt við løgtingslóg nr. 31 frá 17. mars 2022: Løgtingslóg