Í fjør skipaðu bæði Norðoya Bú- og Heimatænasta og dagstovnaøkið í kommununi fyri tiltøkum, har bæði børn og eldri fingu eina heilt serstaka uppliving í Varpinum. Hjá fleiri var tónleikaupplivingin eisini teirra fyrsta uppliving í Varpinum. 

Øll kunnu vera við!
Øll kunnu gerast partur av Spæl Føroyskt vikuni, tí endamálið er, at Spæl Føroyskt skal gerast eitt landsumfevnadi tónleikaátak. Ein vika, har framførslur eru á hvørjum horni – allastaðni frá ellisheimum til tey stóru mentanarhúsini kring alt landið, og við øllum tónleikasløgum, alt frá føroyskum sálmum til modernaðan popp. Tí kunnu eisini matstovur, café’ir handlar og fyritøkur vera partur av Spæl Føroyskt við at fyriskipa konsertir í sínum vinnustaði ella bara við at spæla føroyskan tónleik í sínum handli/matstovu/café. 

Soleiðis gerst man partur av Spæl Føroyskt
Tað snýr seg um at skipa fyri einum (ella fleiri) tónleikatiltøkum í døgunum 22.februar - 2. mars og skráseta tiltøkini á heimasíðuni musikk.fo 

Til ber eisini at senda ein teldupost til booking@musikk.fo 

Skrásetingin ger, at tiltakið kann gerast partur av Spæl Føroyskt skránni. Tað kunnu vera framførslur, framløgur, felagssangur ella annað, sum hevur við føroyskan tónleik at gera. Tað er bert hugflogið, sum setur mørk.

Tónleikasamband Føroya varpar ljós á skránna og í tøttum samstarvi við KVF, varpa tey ljós á tykkum og tykkara tiltøk.