Nýggjastu tíðindi

12/01/2018

Gosbað til eitt heilt fótbóltslið


Arbeiðið við nýggja vælverudeplinum í Svimjihøllini gongur væl, og fundamentið til størsta gosbað í landinum sæst nú í sunnara enda.

Um miðjan november skrivaðu arbeiðstakarar undir sáttmála við Klaksvíkar kommunu um at gera vælverudepil í Svimjihøllini, og higartil gongur arbeiðið bæði skjótt og væl. Herfyri legði Jógvan Skorheim, borgarstjóri leiðina framvið og heilsaði uppá Torkil Mørkøre, leiðara fyri Stadionøkið og nøkur av hinum arbeiðsfólkunum í økinum.

Sunnanfyri høllina verður gjørt klárt til uttandurapartin av vælverudeplinum, og innandura fyllir fundamentið til gosbaðið ein trivaligan part av gólvinum. 

Í gosbaðnum verður ivaleyst av plássi til eini 15-20 vælvaksin fólk, og hetta ger tað til eitt hitt størsta av sínum slag í Evropa. 

Umframt gosbað og uttanduraøkið, fer vælverudepilin eisini at rúma dampbað, infrareyðari saunu og góðum brúsuumstøðum.

Tað eru Norðhús, Signar Kallsberg og JP-EL, sum standa fyri arbeiðnum, og vælverudepilin verður eftir ætlan tikin í nýtslu í summar.

Til ber at lesa meira um vælverudepilin og aðrar verkætlanir her.

 

Nýtt í kommununi

Norðurljós: skráin
22/01/2018

Listavirðisløn Nólsoyar Páls, útibiografur, uppboðssøla og nógv annað. Her er skráin fyri Norðurljós. Les meira »

Hetta kann hjálpa móti frystu vatnrørunum
22/01/2018

Nógvi kuldin seinastu dagarnar ávirkar framvegis vatnveitingina til fleiri sethús í kommununi, orsakað av frosti í rørum millum pr… Les meira »

Frostur ávirkar vatnveitingina
21/01/2018

Vegna frost eru trupulleikar við vatnveitingini á bæði eystara og vestara armi í Klaksvík. Les meira »

Vís fleiri