Vit hava tørv á ágrýtnum handverkarum innan timburyrkið og arbeiðsfólki til Vegadeildina.

Arbeiðsuppgávur:
Sum handverkari kemur tú í mestan mun at arbeiða við timburarbeiði og betong, girðingum, trappum, gørðum o.ø. Umvæling av gongubreytum, gongugeilum, kansteinum og gørðum og øðrum fyrifallandi uppgávum á deildini.
Sum arbeiðsfólk kemur tú í mestan mun at arbeiða við viðlíkahaldi av vegum, gongubreytum og gøtum. Reinhald, ruskinnsavning, kloakkarbeiði og vetrarhaldi, umframt aðrar fyrifallandi uppgávur á deildini.

Førleikakrøv
- Byggismiður, húsasmiður ella líknandi
- Arbeiðsfólk nýtast ikki nakra ávísa útbúgving, men ynskiligt er, at tú hevur royndir innan líknandi størv.
- Koyrikort til persónbil
- Stóra koyrikortið kann vera ein fyrimunur 

Vit vænta, at tú:
- Ert ein viðleikari, sum hevur lætt við at taka eina hond í har, á stendur.
- Sum persónur ert arbeiðssom/samur og væl skipað/ur.
- Dugir at arbeiða sjálvstøðugt og lættliga kunna fara til verka við teimum fjølbroyttu uppgávunum á Vegadeildini.
- Hevur góð handalig evni og hevur hug at seta teg inn í nýggj arbeiðsøkir.
- Ert fyrikomandi og hevur lætt við at samstarva og síggja loysnir.
- Ert ein góður starvsfelagi

Setanarviðurskifti:
Talan er um tímalønt fulltíðarstørv, ið verða lønt sambært sáttmála millum FAG og Klaksvíkar handverkarafelag ella Klaksvíkar arbeiðsmanna/kvinnu felag. Arbeiðstíðin er gerandisdagar ímillum kl. 08.00 og 17.00, tó kann í ávísum tíðarbilum verða nakað av arbeiði í vikuskiftum og um kvøldarnar.
Ljóðar hetta sum nakað fyri teg, ella ert tú áhugaður at hoyra meira um størvini, kanst tú ringja ella skriva til Kristoffur Olsen, leiðara á Kloakk- og vegadeildini á tlf. 229088 ella kristoffuro@klaksvik.fo.

Umsókn við lívsgongdarlýsing (cv) og øðrum viðkomandi skjølum skal vera okkum í hendi seinast sunnudagin 17. novembur 2024.

Tú søkir starvið við at trýsta á leinkjuna her: Starvsfólk til vegadeildina.

Um Klaksvíkar kommunu
Klaksvíkar kommuna fevnir umframt Klaksvík eisini um bygdirnar Ánir, Norðoyri, Árnafjørð, Svínoy, Syðradal, Húsar, Mikladal og Trøllanes. Sum starvsfólk hjá Klaksvíkar kommunu, við tilknýti til Vegadeildina, gerst tú partur av einum fjølbroyttum arbeiðsumhvørvi, saman við áleið 15 sarvsfelagum.