Skalt tú byggja?

Fyrsta stig í byggingini er útvegan av grundstykki. Kommunalu grundstykkini verða útboðin eftir grundstykkjalistanum, sum tú kanst kunna teg nærri um her.

Í hesari vegleiðingini fært tú svar uppá nógvar spurningar og ivamál í samband við bygging. Vegleiðingin inniheldur eitt nú yvirlit yvir tekningar og fylgiskjøl, sum skulu vera við umsóknini um byggiloyvi.

Byggiloyvi verða givin sambært galdandi byggisamtykt og reglugerð. Les meira um byggimálsviðgerðina her og gev gætur, at viðgerðartíðin økist, tá talan er um frávik frá galdandi byggisamtykt. Er talan um smærri byggingar, eitt nú hjall ella úthús, kanst tú kunna teg nærri um bygging, sum ikki krevur byggiloyvi.